போட்டிகள்

கவிதை போட்டி முடிந்தது, சிறுகதை போட்டி ஆரம்பிச்சாச்சு. இந்த ரேஞ்சில் போனால் இந்த மாதிரி போட்டிகளையும் நீங்கள் விரைவில் எதிபார்க்கலாம்.


சுஜாதா குற்றப் போட்டி

சுஜாதா 1ம் வகுப்பில் எழுதிய அ ஆ வில் இருந்து இன்று காலை எழுதிய சலவை கணக்கு வரையில் உள்ள எழுத்து, பொருள், கருத்து பிழைகளை தகுந்த ஆதாரத் துடன் காட்டவேண்டும். அதிக பிழைகள் கண்டு பிடிப்பவருக்கு மெக்ஸிகோ நாட்டு சலவைகாரியும் நானும் என்ற வசந்தின் சுயசரிதை பரிசாக வழங்கப்படும்

திருவாசகத்தில் உள்ள தெரு வாசகங்கள்

இளையராஜா எந்த எந்த இடத்தில் முறை எத்தனை முறை அபஸ்வரத்தில் பாடி இருக்கிறார்
உள்ளூரில் இசை அமைத்து இருந்தால் எவ்வளவு காசு மிச்ச படுத்தி இருக்கலாம்
என்று ஆராய்ந்து எழுத வேண்டும். சரியான முறையில் பாடி கேஸட் /சிடி அனுப்பி வைக்க வேண்டும்.
பரிசாக ஞாநியின் பியர் பாட்டலும், சாரு வழக்கமாக அனியும் பேன்ஸி பனியனும் தரப்படும்.


மத நூலகளும் "e" யும்.

அனைத்து மத நூலகலின் ஆங்கில மொழி பெயற்புகளில் "e" இந்த எழுத்து எத்தனை முறை வருகிறது என்று எண்ணி சொல்ல வேண்டும்.

பரிசாக தி.க. வெளியீடுகள் ஒரு வருடத்திற்கு !

Last but not least ...Now. Mother of all competitions. !!!

ரஜினி துதி பாடல்.

4 வரிக்கும் மிகாமல், நாடு, நதி, மொழி ஆகியவற்றை பெண்ணாக உருவகப்படுத்தி எழுத்தப்பட்ட பாடல்களை ரஜினிக்கு ஏற்ற மாதிரி பாடவேண்டும். கன்னடத்தில் எழுதுபவர்களுக்கு கூடுதல் மதிபெண்கள் .

பரிசாக இராமதாஸ் தோட்டத்து மாங்கனிகள், வேண்டும் போது எல்லாம்.

விதிமுறைகள்
-----------------

1. நடுவர்களின் தீர்ப்பே இறுதி ( அவங்க யாரு, தகுதி என்ன என்று எல்லாம் கேட்க கூடாது )
2. போட்டியில் கலந்து கொள்பவர்கள், இந்த பதிவை பற்றி பத்து வரி எழுதி தங்களின் பதிவில் இருந்து இதற்கு லின்க் கொடுக்கவேண்டும் ( அப்படியாவது இங்க கூட்டம் வ ருமான்னு பார்க்கணும். போட்டி நடத்திறதே ஒரு விளம்பரத்துக்காக தானே !!)

========================================================================

எந்த வலைபதிவரையும் எனக்கு தெரியாது, யாரிடம் நான் கடன் வாங்கவில்லை, என் எழுத்துக்கள் காப்பி அடிக்க படவில்லை . ஆகவே எனக்கு யார் மீதும் துவேஷமோ, பொறாமையோ இல்லை !!!